Enkarterri, ezinbesteko helmuga turistikoa 2023an
2022-12-06
Hiru aipamen
Traveler aldizkariak, turismoaren sektoreko argitalpen garrantzitsuenetako batek, 2023ko ezinbesteko helmugetako bat izendatu du Enkarterri. Artikuluak honako leku hauek aipatu ditu berariaz: Loizaga Dorreko Rolls-Royce bilduma (Europako handiena), La Encartada txapel-fabrika eta Karrantzako Casa Garras jatetxea.
Aldizkariaren arabera, "Enkarterri behin bisitatuz gero, itzuli egin nahiko duzu". Paisaiak, munduan parekorik ez duten bazterrak eta zaporeak nabarmentzen dira. Izan ere, eskualdea natura betean dago eta oinez, bizikletaz edo jarduera askotan gozatzeko aukera ematen digu. Gainera, nonahi agertzen dira iraganeko aztarnak: dorretxeak eta Erdi Aroko zubiak, burdinolen aztarnak, meatzeak, indianozko etxeak...
Oraindik ezagutzen ez bagaituzue, datorren urtean ez duzue aitzakiarik izango!
Munduko errekorra
Loizaga Dorrea
GALDAMES
Ez da harritzekoa Traveler aldizkariak Loizaga Dorreari erreparatu izana, munduan ez baitago antzeko lekurik. Izan ere, Galdamesen dagoen Erdi Aroko gotorlekua honek Rolls Royce eta luxuzko beste ibilgailu batzuen bildumarik handiena eta gordetzen ditu. Natura betean dago, mahasti eta basoz inguratuta.
1910 eta 1998 bitartean fabrikatutako Rolls-Royce modelo guztiak ditu. Gainerako ibilgailuen artean, honako marka hauek nabarmentzen dira: Hispano-Suiza, Ford, Ferrari, Jaguar, Lamborghini, Mercedes eta Cadillac. Miguel de la Vía bilduma Europako handiena eta preziatuena da. Auto guztiak bikainki kontserbatuta daude, abiarazteko prest.
Parekorik gabea Europan
La Encartada Fabrika-museoa
BALMASEDA
Gure jantzirik bereizgarriena zein den galdetzen badugu, denek erantzun bera emango dute: txapela. Mende bat baino gehiagoz, hemen ekoiztu ziren, La Encartadan, Euskadiko ehungintza-fabrikarik handienetako batean. Gaur egun, ordea, museoa da, bere horretan mantendu dena mendean zehar.
Txapelak ez ezik, La Encartadan mota guztietako ehun-gaiak ekoizten zituzten. XIX. mendeko fabrika da, mendeko fabrika da, jatorrizko dekorazioa eta dotazio teknologikoa bere horretan mantendu dituenak. Eraikinak, makineria eta langileen etxebizitzak museoaren parte dira gaur egun, eta garai hartara garamatzate oraindik ere lanean dabiltzan poleen, uhalen eta turbinen eskutik.
Ondo jatearen erreferentzia
Casa Garras
KARRANTZA
Casa Garras Enkarterriko jatetxerik ospetsuenetako bat da, ondo jatearen erreferentzia hutsa. Llamosas familiak duela mende erdi ireki zuen jatetxea Karrantzan. Gaur egun, familiak establezimenduaren buru izaten jarraitzen du. Txema Llamosas sukaldaria chef ospetsuen (Eneko Atxa, Ferran Adrià, etab.) sukaldeetan trebatu da.
Txemaren arreba, Pilar Llamosas enologoa, Raventós i Blanc (Cava), Quinta Sardonia (Ribera del Duero) eta Itsasmendi (Bizkaiko Txakolina) upategietan aritua, ardo kartaren arduraduna da. Erreferentzia guztien artean, Petite Txakolina nabarmentzen da, familiaren mahatsondoetan egina.
Casa Garrasen filosofia hurbiltasuneko produktu freskoak erabiltzea da, benetako zaporea azpimarratzeko. Traveler aldizkariak idiaren jardunaldiak gomendatzen dizkigu, 11 platerreko menua, hainbat sorkuntza harrigarrirekin, hala nola errabadilla-tartarra tuetano errearekin. On egin!
