Donejakue Bideak, Muskizetik igarotzean, Bizkaiko kostaldeko paraje ederrenetako batekin egiten du bat: Itsaslur eta Piquillo Bide Berdeen barrena egiten du, inguruko meatze-ustiategi handiei zerbitzua ematen zien antzinako trenbideari jarraituz. Interes handiko zonaldea da kulturaren, ingurumenaren eta paisaiaren aldetik. Esaterako, Barbadun ibaiaren bokaleak Natura 2000 Sarearen parte den babes bereziko eremua osatzen du Pobeña auzoan, kostaldetik bihurka doan pasealeku ikusgarriarekin batera.