Meatzaldearen bihotzean kokatua, Meatzaldea-Peñas Negras Ekoetxea ingurumenari buruzko informazio eta sentsibilizaziorako ekipamendu bat da, Eusko Jaurlaritzako Ingurumen eta Lurralde Politika sailak kudeatzen duena.

Ekoetxea Ortuellako udalerrian dago, Bizkaiko meatzaritzaren bihotz-bihotzean. Paisaia-arku zabal bat behatzeko puntu estrategikoa da. Industriak ingurunean eragindako aldaketak dokumentatu ditu.

Zein da bere helburua?

❱ Meatze-ustiapenak ingurumenarekiko izan duen eragina eta erlazio honek dakartzan ondorioak.
❱ Ingurumenaren elementurik nagusienak zeintzuk diren eta horiek babesteko eta hobetzeko jarrerak.
❱ Ingurumenaren eta horren arazoen gaineko sentiberatasun eta kontzientzia handiagoa.
❱ Ingurumenaren arazoak zertan diren eta nola konpon daitezkeen jakiteko beharrezko diren jarrerak.